Грузиянын экс-президенти, Украинанын реформалар боюнча улуттук кеңешинин аткаруучу комитетинин төрагасы Михаил Саакашвили “Азаттык” менен болгон  эксклюзивдүү маекте Кыргызстандын жаңы бийлигине реформалар жаатында бир катар кеп-кеңештерин айтты. Саясатчы Кыргызстан бул жолу мүмкүнчүлүктөрдү колдон чыгарбайт деген ишенимин ортого салып, бажыдагы коррупция, саясат менен криминалдын жуурулушуп кетишине каршы кандай майнаптуу күрөш жүргүзсө болоруна токтолду.